State hmasawnna atan zirna leh infiamna a pawimawh : Tripura CM

Tripura chief minister Manik Saha chuan state hmasawnna turin zirna leh infiamna tihchak a tum thu a sawi. He hmalakna hmang hian hamṭhatnate chu mipui hnuaihnung zawkte hnen a thleng thei dawn a ni, a ti.

He thu hi South Tripura-a Belonia Vidyapeeth ground-a thu a sawinaah tarlangin, CM chuan state hmun hrang hranga project thawh tur eng emaw zat virtual-in lungphum a phum bawk a ni. Saha chuan mipui hamṭhatna tura investment siam a nih chuan ram pum hriat hlawh theihna turin a pui dawn a ni, a ti bawk.

Programme-a ngaih­pawimawh ber chu sikul infraastructure a nih thu sawiin, Chief Minister hian tun hnai khan Rajnagar-a Niharnagar Class XII School building thar a lo hawng tawh a, hemi hnuah Ghoshkhamar-a Class XII School pucca building a hawng leh bawk. Hei bakah Belonia English Medium Class XII School chu virtual hmanga hawn a ni bawk. Sikul 435-ah vocational training centre dah a ni tawh bawk a ni.

Saha chuan Rajnagar huam chhungah kawng thawmṭhat, tui in tur, electric leh zirna atan Rs vbc 80 sen a nih thu a sawi. State-in hmasawnna kawnga hna a thawh ṭhat avangin award 347 a dawng tawh tih a sawi bawk. Zirna sector siamṭhat a nih dante sawiin, CM chuan sikul thar eng emaw zat hawn a ni a, smart classroom leh digital library din niin, zirlaite hnenah stipend pek an ni, a ti. Zirtitute pawh langtlang takin Teacher Eligibility Test hnuaiah lak an nih thu a sawi bawk.