Meghalaya : MBMA leh SELCO thawk dun dawn

Meghalaya thingtlang lama entrepreneurship ngelnghet leh chak zawk neih theihna atana thawk dun turin Meghalaya Basin Management Agency (MBMA) leh SELCO Foundation ten inremna an ziak. He thawh dunna hi PRIME Programme hnuaia kalpui niin, state hmun hrang hranga kutkawih eizawnna (entrepreneurship) thlawpna atana ruahman a ni.

Memorandum of Understanding hi MBMA aiawhin chief executive officer, Dr. Vijay Kumar D leh, SELCO Foundation aiawhin chief executive officer Dr. Harish Hande-ten an ziak a ni. Thawhdunna hi state kaihhruai hmasawnna kawnga a bulṭhut aṭanga hmalakna tur niin, economy ṭhanlenna chu an ngaihpawimawh turah a tel.

An thawhdunna hnuaiah hian thingtlanga sumdawnna tihhmasawn kawnga pawimawh tak; Decentralized Renewable Energy, Energy Efficiency, leh Green Built Environment solution-te chawikan tum a ni. Hmalakna an neihah hian clean energy technology leh enterprise incubation hmanga sum sen tihtlem, thil siam chhuah tihhmasawn leh hunrei tak daih thingtlang lama sumdawnna kalpui a ni.

MBMA leh SELCO chuan an thawh dunna hnuaiah hian state hmun hrang hranga rural enterprise 500 chuang puihbawmna pek an tum a ni. Hmalakna hnuaiah enterprise thlawpna, technical lam inkaihhruaina leh sumdawnna tihhmasawn kawnga puihbawmnate a tel.