Singhla-a'n Tripur-a Bru Refugee Camp a tlawh

Ministry of Home Affairs-a Special Sec-retary of Internal Security Mahesh Kumar Singhla chuan nimin khan Tripura-a Bru refugee camp a tlawh.

Kumar Singhla chuan hian Kanchanpur leh Panisagar subdivision-a Bru relief camp a tlawh a, Naisingpara refugee camp-a awmte Mizorama let chungchangah in-biakna a neihpui bawk. Singhla hi Naisingpara camp-a Bru refugee 32000 te zingah zan a riak niiin, MBDPF general secretary Bruno Mshe chuan a sawi. Vawiin hian Singhla hian North district, District Magistrate (DM) Dr San-deep Mahatme chu mee-ting a neihpui dawn a, Bru laklet chungchang an sawi dun ang. Bru refugee-te Mizoram-a hruai kir an nih theih nana Joint Monitoring Group (JMG)-te'n Delhi-a meeting an neih ṭum khan Singhla hian a kaihruai a ni.

Mizoram sorkarin a tarlan dan chuan, Tripura sorkarin a sak camp paruka Bru refugee awm zat hi mi 32,000 an ni. Ministy of Home Affiars chuan Bru laklet hun atan kumin December a ruat a, mahse nakkum January
aṭangin ṭan a ni ang.