Nagaland CM-in Road Safety campaign hawng

Nagaland Chief Minister T.R. Zeliang chuan Thawhṭanni khan an state khawpui Kohima-ah road safety campaign a hawng.

Zeliang chuan lirthei chetsualna chu fimkhur loh vang te, tlan chak lutuk vang te a nih thu sawiin, mipui hnenah a tam thei ang ber awareness pek a ngai a ni, a ti. Sorkarin road safety guideline a siamte chu zawm a ngaih thu sawiin, mipuite himna chu ngaih pawimawh a ngai a ni, a ti. Nagaland sorkar chuan state leh district level-ah Road Safety Council leh committee a din thu Zeliang chuan a sawi bawk.

Transport minister leh Nagaland Road Safety Authority chairman ni bawk P.Paiwang Konyak chuan he hun hi a hmanpui a, India ram pumah kum 2015 chhungin lirthei chesual avanga thi mi nuai 1.5 an awm thu a sawi. Ram chhungah minute li dan zelah lirthei chetsualna thleng anga chhut a nih thu sawiin, hei hi fimkhura pumpelh theih a ni, a ti. Paiwang chuan Nagaland chu state dang ngaihtuah chuan lirthei chetsualna a tlem niin a sawi bawk.