Assam-ah relin sai pathum su hlum

Assam-a Jogijan area-ah Thawhṭanni khan rel tlan laiin sai pathum a su hlum.

He thil thlenna hmun hi Hojai railway station bul a ni a, Dibrugarh pana tlan Vivek Express chuan kawngpui kan tur sai pathumte chu a su hlum a ni. Mita hmutute chuan rel hi a tlanchak hle niin an sawi a, sai te hi an insaseng hman lo niin an sawi. Forest Department chuan Jogijan area-ah hian tlan chak tawk bithliah chin a siam a, a bikin zan lamah sai leh nungcha dang ten kawngpui an kan ṭhin avangin dan a siam a ni. Hetih lai hian Railway thuneitute chuan, Jogijan area-ah Forest Department-in speed limit a siam an hriat loh thu an sawi. Northeast Frontier Railway (NFR) Chief Public Relation Officer Pranavjyoti Sarma chuan, Vivek Express hi darkar khata km 100-a chak a tlan thu sawiin, sai a sutna hmunah speed limit a awm hriat a ni lo, a ti.

September 27 khan Assam-Nagaland border-ah sai pahnih sut hlum an lo ni tawh. Assam-ah hian hmun tam takah, Park leh a bul hnai kawngpuiah te lirthei tlanchak zawng bithliah siam a ni.