Court-in Paul-a bail dilna hnawl sak

Guwahati court chuan Assam Public Service Commission Chairman Rakesh Kumar Paul-a bail dilna a hnawlsak.

Special judge A Bha-ttacharyya chuan Paul chu judicial custody-ah ni 10 chhung a la awm dawn tih sawiin, a bail dilna cvhu hnawlsak a ni, a ti. Paul hi December 13-ah Court-ah inlan leh tura tih a ni, a ti.

Paul hi November 4 khan man a ni a, APSC hnuaia hna lakah thamna sum laah puh a ni. Paul bakah hian APSC member dang Basanta Kumar Doley leh Samedur Rahman te pawh man an ni tawh a, Assistant Controller of Examinations Pabitra Kaibarta pawh police-te'n an hreng mek. Hetih lai hian Assam sorkar chuan APSC Member Brig (retd) Ranjit Borthakur chu tun hnai khan Acting Chairman atan a ruat.