Assam-ah nawrh huaihawt vangin rel service a buai

Adavasi National Convention Committee-te chuan Thawhṭanni khan, Assam-ah nawrh an huaihawt a, hei hian rel service a tibuai hle.

ANCC-te nawrh huaihawt hi darkar nga hnuah tihtawp a ni a, dan pangaiin rel service tir leh a ni. Kokrajhar deputy commissioner Bivekananda Choudhury chuan ANCC-te thil phut chu tripartite talk neih a nih hnuah, sorkarin Scheduled Tribe status pek a tiam avangin nawrh tihtawp zui a ni, a ti. Police-te chuan ANCC member eng emaw zat chu Kokrajhar Railway Station-ah an pungkhawm tih an sawi a, hei vang hian rel service a buai phah hle niin an sawi. Rajendra Nagar Express chu Alipurduar junction-ah nawrh huaihawt ten an tiding a, Saraighat Express, Lokmanya Tilak Express leh Brahmaputra mail-te pawh dan an ni.

ANCC-te hian Chief Minister Sarbananda So-nowal hnenah memo-randum an theh lut a, an thil phut an thlen. ANCC-te hian hna hrang hrang - Santhals, Oraons, Mundas, Kharias, Gonds, Sawras, Kishans, Lohrahs, Kols, Bhils, Porjas, Bedias leh Mirdhas-te chu scheduled tribe-a telh an phut a ni.