Assam artiste-ten sorkar event boycott dawn

Assam-a actor leh singer-te chuan Citizenship (Amendment) Bill hnuhkir a nih loh chuan  sorkar event hrang hrangte an boycott dawn tih an sawi. 

Thawhlehni khan Assam artiste-te hian CAB duh lohna lantirin Guwhati-ah kawng an zawh a, an 'fan' eng emaw zatin an telpui bawk. Singer Dikshu Sarma chuan, "He bill hi pass a nih chuan, Assam mipuite chu anmahni state ngeiah hnam tlem zawk an ni mai dawn a, he bill hi eng kawng mahin kan pawm thei lo a ni," a ti. Actor Utpal Das pawhin bill hi hnuhkir leh a nih hma chuan duh lohna an lantir zel tur thu a sawi. 

Artiste-te chuan CAB an duh lohna lantirin sorkar programme te an boycott tur thu an sawi a, heng zingah hian Pathiannia neih tur, prime minister Narendra Modi leh Japan prime minister Shinzo Abe-te summit neih tur pawh a tel. 

"Artiste kan nih hmain Assamese kan ni hmasa a, bill hi kan dodal zel dawn. He bill duh loa dodaltute hi mi a an ni lo.  Kan community, culture leh tradition te hi midangin min rawn tihchhiat kan phal ngai lo ang, " an ti. 

Veteran filmmaker Jahnu Barua chuan CAB dodalna lantir nan Assam State Film Awards ah  a tel loh tur thu a lo sawi tawh bawk.