Assam CM-in Kawngpui cheiṭhat hna ṭan turin hriattir

Assam Chief Minister Sarbananda Sonowal chuan kar khat chhunga kawngpui cheiṭhat hna ṭan turin State Public Works Department (PWD) a hriattir.

CM Sonowal chuan kawngpui chei ṭhat nan cheng vaibelchhe 250 ruahman a ni tawh thu sawiin, PWD chu hna ṭan thuai turin hriattir an ni, a ti. PWD hnathawh dan thir letna, reviwe meeting-ah Sonowal chuan he thu hi sawiin, state chhunga kawngpui te chu chei
ṭha tura hma lak mek a ni, a ti. Sorkar laipui chuan Pradhan Mantri Gram Sadak Yojana (PMGSY) scheme hnuaiah kawngpui km 346 siamna turin cheng vaibelchhe 299 a ruahman sak niin a sawi bawk a, nakkum January aṭangin hna ṭan hman beisei a ni, a ti. Contractor hna thawk ṭha lo te chu hnawl ngam a hun tawh tih review meeting-a tel te hmaah Assam CM chuan a sawi bawk.