NPF-te'n Manipur inthlan-ah seat 25-ah chuh an tum

Naga People’s Front (NPF) Manipur unit chuan nakkuma Manipur state assembly election neih turah seat 25-ah chuh an tum thu an tarlang.

Manipur Assembly election 2017-ah hian NPF chuan assembly consti-tuency 25-ah candidate an thehchhuak dawn tih sawiin, party ticket-a ding duh mi 37 lai an awm thu an sawi. NPF ticket-a ding turte hi NPF Central office Kohima-ah NPF president Shürhozelie Liezetzsu kaihhruainain meeting neihpui an ni. Meeting hi Nagaland Chief minister T.R. Zeliang-a'n a telpui nia tarlan a ni. Party president Dr Shurhozelie chuan candidate turte hming leh an dinna bial turte chu puan chhuah thuai a nih tur thu a sawi.