Assam sorkarin Digital banking awareness a ngaihpawimawh : Sonowal

Assam sorkar chuan mipuite hnena digital banking chungchang hrilh hriat chu a ngaih pawimawh ber te zinga mi a ni, Chief minister Sarbananda Sonowal chuan a ti.

State Bank of India (SBI) buatsaihin state-level Digital Banking Awareness Programme neih a ni a, he hunah hian Sonowal chuan he thu hi a sawi chhuak a ni. Assam CM chuan, digital literacy chu Prime Minister Narendra Modi-a'n a ngaih pawimawh ber te zing a mi a nih thu sawiin, internet hmanga sum khawi chet chu hmasawnna a ni, a ti. State sorkar chuan ni 15 awh Digital Literacy Campaign buatsaih a tum thu sawiin, SBI nen ṭangkawpin state chhunga college 15-ah campaign hi neih tura ruahman a ni tih a sawi.

Digital banking mipuite hrilh hriat kawngah NSS volunteer-te chuan chanvo pawimawh tal an nei tih sawiin, a bikin panchayat-level-ah campaign nasat a ngaih thu CM chuan a sawi. District headquarters zawng zawngte chu campaign hian a huam dawn tih sawiin, mipuiten campaig an thlawh
ṭhat leh ṭhat lohah a hlawhtlinna thui tak a innghat a ni, Sonowal chuan a ti bawk. Tea garden-a hnathawktute hlawh pawh bank kaltlanga pek vek a nih theih nan hma lak a ni a ti a, hmun kilkhawr zawkah ATM dah belh zel tum a ni, a ti. Assam Chief Minister Sarbananda Sonowal chuan thingtlang mipuite hnena digital banking chungchanga awareness pek chu an tum ber a nih thu a sawi bawk.