Union budget-in chhungkaw tin sum lak luh tihpun a tum : Tripura CM

Tripura chief minister Manik Saha chuan union budget chu chhungkaw tin sum lak luh tihpunna atan leh, socio-economy dinhmun hmasawnna atan a pawimawh tih a sawi. Saha chuan kumin union budget tharah hian prime minister Narendra Modi-a'n mipui hamṭhatna a ngaihpawihmawh zia a lang chiang hle a ni, a ti.

Budget-ah hian zirna infrastructure dah pawimawh a nih thu sawiin, zirna quality ṭha siam chu ngaihpawimawh a ni tih a sawi bawk. Saha chuan he thu hi Bharatiya Janata Party-in Padesh party office-a ram chhung general budget sawi hona press conference neihah a sawi.

CM Saha chuan union finance minister Nirmala Sitharaman-i'n a vawi kuana atan union budget 2026-27 a pharh tih sawiin, budget chu a lungawithlak tih a tarlang bawk. Budget-ah hian hma huna economy leh khawtlang hmasawnnate a tarlang a ni tiin, PM Modi leh union finance minister Sitharaman-te chungah lawmthu lawmthu a sawi bawk. Hei bakah CM chuan Prime Minister-in category pali - ṭhalai, loneitu, mi rethei leh hmeichhiate a ngaihpawimawhzia a sawilan fo thu a tarlang bawk.

Union budget 2026-27-ah hian sikul, college, technical college leh zirna in hrang hrang ngaihpawimawh an ni a, kawng, rel kawng, aviation leh waterway pawh ngaihpawimawh zingah an tel. Ṭhalaite thiamna thuam chak turin programme hrang hrang kalpui a ni a, renewable energy hman ṭangkaina tihpun a nih thu CM Saha chuan a sawi bawk. Hei bakah middle class tan tax system-ah ngaihnathiamna tam tak siam a ni tih a tarlang.