Assam : CM-in Mother & Child Hospital hawng

Assam chief minister Himanta Biswa Sarma chuan Pathianni khan Gauhati Medical College and Hospital (GMCH) campus-ah Mother and Child Hospital a hawng. Damdawi-in thar hi state puma nu naupai leh nausen enkawlna ṭha zawka pekna tur atana duan a ni. CM hian GMCH building thar Rs vbc 3,300 senna tur lungphum a phum nghal bawk.

Facility tharah hian care service changtlung, nu naupai leh neonatal care leh Neonatal Intensive Care Unit (NICU) khum 152 awmna dah a ni. Damdawi-ah hian khum 832 a awm a ni.

CM Sarma chuan damdawi-in thar hawn leh, building sak thar lungphum phum chu hun chhinchhiahtlak tak a nih thu a sawi. GMCH hi kum 1960 khan din a ni a, facility thar tam tak dah belh a nih tawh bakah Assam-a medical college awmna ṭha ber pawl a ni tih CM chuan a sawi. GMCH-a department pawimawh ber zinga mi chu Mother and Child Hospital a nih thu sawiin, ram chhunga premier medical institution-te nen pawh tehkhin tlak a ni, a ti.