Nagaland-ah Hornbill Festival hmang mek

Nagaland sorkarin a buat-saih, hmarchhaka festival lian leh lar berte zing ami Hornbill Festival chu December 1 khan ṭan a ni a, ni 10 chhung hman a ni ang.

Hornbill Festival 2016 hi Naga Heritage Village, Kisama-ah hman mek a ni. Festival chhimtu hi mi 70,000 vel an tling tawh a, heng zingah hian ram chhung leh pawn aṭangin khualzin tam tak an tel a ni. State Tourism Department buatsaih he festival-ah hian Naga hnam peng hrang hrangte chuan culture kaihhnawih leh hmuhnawm hrang hrang an entir. Tourist Officer Toka E. Tuccumi chuan, festival ṭan aṭanga ni li thleng khan ramdang khualzin 757 chuangin festival an chhim tawh tih sawiin, India ram chhung hmun hrang hrang aṭangin mi 7,396 vel zetin an tlawh tawh niin a sawi.

Festival-ah hian Nilaini
aṭang khan Hornbill Interna-tional Rock Contest aṭan a ni a, Darjee-ling band lar Zero Tolerance band bakah, band dang 18 zet an tel. Band-te hian intihsiakna an hmachhawn a, Judge te pawh an hrawl hle a ni.

Hornbill Festival hi kumtin December thlaah hman ṭhin a ni a, a tirah chuan ni sarih chhung hman ṭhin niin, kum 2013 aṭang khan ni 10-ah pawhsei a ni. Festival nghahna hmun Kisama hi Nagaland khawpui Kohima aṭanga km 12 vela hla a ni. Ram chhung mai ni lo khawvel huap pawha festival hriat hlawh a nih avangin ngaihhlut a hlawh hle a, khawvel hmun hrang hrang aṭangin mi ṭhahnem tak an fuankhawm ṭhin a ni.