Manipur-ah ATM khawihtu mi pahnih man

Manipur-ah Thawhlehni khan Automated Teller Machine (ATM) aṭanga pawisa la chhuak thei lo mi pahnihten ATM an suasam zui avangin man an ni.

State Bank of India (SB) ATM suasam tu te hi Manipur Rifles mi leh sa Hemchandra Oinam leh midang pakhat Bobby Nameirakpam-te an ni a, ATM-ah hian pawisa lakchhuah tur a awm loh avangin an thinrim chuan an suasam ta mai nia tarlan a ni. Heng mi pahnihte hi police kutah hlan an ni a, FIR ziahluh nghal a ni. Hetih lai hian tun hnai lawk khan Manipur Journalist pakhat, bank-ah thla la tura a kal chu security-te'n lo tibuaiin, buaina tenau a lo chhuak tawh bawk. Manipur-ah hian pawisa note thiin nghawng a nei lian hle nia tarlan a ni a, state chhunga ATM-te chu hman theih lohin a awm deuh vek nia tarlan a ni.