Aruanchal sorkar-in 7th Pay hman remti

Arunachal Pradesh Chief Minister Pema Khandu-a kaihhruai cabinet meeting chuan January 1, 2016 aṭanga chhutin 7th Pay Commi-ssion hman a remti.

Cabinet chuan state sorkar hnuaia hnathawk mi 70,499 leh pensioner 25,919-te huamtir a remti a, heng mite hlawh hi January 1, 2016 aṭangin 7th Pay-a chhut sak an ni dawn. Hemi avanga sate sorkarin sum a senbelh tur chu cheng vaibelchhe 423.27 a ni. January 1- September 30, 2016 inkara hlawh chu arrear-ah dah sak an ni dawn a, sorkar kum thar aṭangin pek chhuah a ni ang. Hetih lai hian October 1, 2016 - March 31, 2017 inkara arrear chu sorkar kum kal lai mek a ral hmaa pek chhuah tura ruahman a ni.

Cabinet meeting chuan state chhunga Science leh Mathematics zirtirtu indaihlohna phuhru turin zirtirtu lakbelh a remti bawk. Heng bakah hian education department hnuaia Post Graduate Teacher (PGT)-te chu Gazetted status pek remtih a ni. Deputy Speaker Late Bomto Kamdak a boral avangin, a nupui Moni Kamdak Basar chu Dy SP rank pek cabinet meeting chuan a remti bawk.