Assam : CM-in MMUA hnuaiah hamṭhatna dawngtute cheque sem

Assam chief minister Himanta Biswa Sarma chuan Nilainia Sivasagar-a Talatal Ghar-a programme buatsaihah, Mukhyamantri Mahila Udyamita Abhiyan (MMUA) hnuaia hmeichhia hamṭhatna dawngtute hnenah cheque thawh khatna, Rs 10,000 ṭheuh a sem.

He hunah hian mi pawimawh eng emaw zat telin, an zinga hian education minister leh Sivasagar district guardian minister Dr Ranoj Pegu, 95 Demow MLA, 96 Sivasagar MAL Akhil Gogoi, MLA hlui Kushal Dowari leh midangte an tel.

Sum lama puihbawmna hi 96 No. Sivasagar Legislative Assembly bial aṭanga Assam State Rural Livelihood Mission (ASRLM) hnuaia Self-Help Group (SHG) aṭanga hmeichhia 34,711 leh National Urban Livelihood Mission (NULM) te hnenah pek an ni. He hmalakna hi hmeichhe kutkawih eizawnna (entrepreneurship) chawikan leh, hmeichhiaten eizawnna ngelnghet an neih theihna atana puihna tura ruahman a ni.