Manipur CM-in tlang mite leh phaia chengte inkarah inremna a duh

Manipur Chief Minister Okram Ibobi Singh chuan tlang mite leh phaia chengte inkara inhriat-thiam lohna awm ṭhin chu reh tawh se a duh thu a sawi.

CM Singh chuan an state chu Kristian tamna a nih ang ngeia remna leh muanna a awm a duh thu sawiin, Kristian-te hunpui krismas chawkbuai zawnga harsatna siam lo turin mipuite a ngen. State sorkarin district thar pasarih din tura thutlukna a siam chungchang sawi chhuakin, district chu mi mal leh hnam bil hamṭhatna tura tih a ni loh thu leh, state pum hmasawnna tur ngaihtuah chunga ruahman a ni, a ti. Sorkar hmalakna tiṭhuanawp thei zawnga hmalakna reng reng sorkar chuan a thlawp lo tih sawiin, mipuite tawrhna a thleng
ṭhin chu pawi a tih thu a sawi. United Naga Council-te'n National Highway an dan chah avang Ukhrul leh a chheh vela mi tam tak tangkhang an awm chu pawi a tih thu a sawi.