Assam sorkarin zirtirtu 13,000 dahbelh dawn

Assam sorkar chuan kum 2017 aṭangin state chhunga sorkar school leh college-ah zirtirtu 13,000 dahbelh a nih tur thu a puang.

State Education Minister Himanta Biswa Sarma chuan, tun hnaiah higher secondary school-a thawk tur zirtirtu eng emaw zat lak a nih thu sawiin, zirtirtu indaihlohna phuhru tura hmalakna kalpui mek a ni, a ti. Kum thar January aṭangin primary school-ah zirtirtu 11,000 dah an ni dawn a, 1,287 dang pawh dahbelh thuai a ni ang, a ti. College eng emaw zatah thawktu an indaih lo tih sawiin, lecturer post ruak 229 lai a awm bawk niin a sawi. State sorkar chuan zirna tihmasawn zel tura nasa taka hma a lak reng thu Education Minister Himanta Biswa Sarma chuan a sawi bawk. BJP kaihhruai sorkar chuan a ngaih pawimawh a tarlan zingah zirna tih hmasawn hi a tel a ni.