PDS Scam : Nagaland Governor-in CBI chhuitir phut

Nagaland Governor PB Acharya chuan Public Distribu-tion (PDS) chungchanga eirukna lian tak awm nia lang chu Cen-tral Bureau of Investigation (CBI) chhuitir ngei a phut thu a sawi.

PDS-a eirukna lian tak a awm nia sawi chungchangah hian Nagaland-a pawl pakhat, ACAUT-te chuan CBI chhuitir tura hma la turin governor hi an lo ngen tawh a, hei hi Acharya pawhin a thlawp thu a sawi. ACAUT-te chuan Pathianni khan governor hi Nagaland Police house-ah hmuin, an thil phut hrang hrangte an thlen a, governor kaltlangin Prime Minister Narendra Modi-a hnenah memorandum an thehlut. Acharya chuan ACAUT-te thil phut chu bawhzui tiamin, memorandum pawh PM a thawn thuai tur thu a lo hrilh a ni.

Nagaland-ah hian PDS kalpui danah thil dik lo lian tak a awm a, mipuite hnena buhfai sem chhuah danah te, wheat leh oil pek semchhuah kawngah eirukna lian tak a awm nia tarlan a ni. Acharya chuan sorkar laipui scheme
ṭhenkhat chu diklo taka kalpui a nih thu sawiin, hemi chingfel tur hian CBI inrawlh ngei se a duh tih a sawi.