Black Day atan December 12 hmang tawh dawn

Hmarchhak zirlai pawl hrang hrang intelkhawm, North East Students' Organization (NESO) leh ASSU  chuan Parliament-a CAB pass a nih an duh lohna lantirin December 12 hi 'Black Day' ah an puang a, kumtinin hman a ni tawh dawn tih an sawi. 

NESO chairman Sa­muel Jyrwa chuan thuchhuah siamin, BJP kaihhruai sorkar laipuiin hmarchhak mite hnuhhniam a, anmahni ramah ngei hnam tlem zawk an nih theihna tura ruahmanna tenawm tak a siam chu NESO chuan a dem takzet tih a sawi.  

Dan loa Bangladesh aṭanga rawn lutte chu lo man a, an rama thawn kir leh aiin sorkar laipui chuan an awm ngheh theihna turin India khua leh tui nihna pek a remti ta zawk a ni, a ti.