Tripura-ah Congress-in bandh huaihawt

Tripura-ah hian Congress party chuan Nilaini zan khan torch rally neiin hetah hian security force-te nen an innek buai a, security force lam hian lathi charge an nei niin Tripura Observer reporter Abhijit Nath chuan Vanglaini a hrilh. Hemi avang hian Congress chuan nimin khan bandh an puang zui tih a sawi.

Nilaini vek khan boruakin ziaawm lam a pan theih loh avangin chief minister Biplap Kumar Deb chuan duh lohna lantirtute chu inbiakna neihpuiin, union home minister Amit Shah-a'n a hmu dawn tih a tiam hnuah kawngpui an dannate pawh an lakiang leh niin Abhijit chuan a sawi. 

Tripura-ah hian zirlai pawlte bakah indegenous party, IPFT leh INPT-te chuan CAB hi an dodal ber a ni. Joint Movement against Citi­­zenship Amendment Bill (JMACAB) convenor Antony Deb­barma chuan CM-in Amit Shah hmuh a tiam nia a sawi hnuah nawrh an huaihawt chu an call off tih sawiin, CAB chuan Autonomous District Council (ADC) areas mai ni lo, Tripura pum­pui huam lo se an duh tih a sawi.