Meghalaya : East Jaintia Hills-a lungalhthei khur puak chhuizui dawn

Meghalaya sorkar chuan tun hnaia East Jaintia Hills-a Mynsngat-Thangsko huam chhunga lungalhthei khur puak chhui chiang turin Commission of Inquiry Act hnuaiah, Judicial Inquiry Commission a din tih chief minister Conrad K Sangma chuan a sawi.

Thuneitute chuan lungalhthei khur puaka nunna chan mi parukte chu Assam mi an nih thu sawiin, dan loa lungalhthei khur siamah hna thawk turin state pawn aṭanga pan an la tam tih a tilang chiang hle a ni, an ti. Nunna chante leh hliam tuarte chu hmun him loah hna an thawk tih an sawi bawk. Chhiatna thlengah hian police force, disaster response team-te leh tualchhung official-te chuan chhan chhuah hna an thawk a, a hmunin a zir loh avangin chhan chhuah hna pawh ni eng emaw zat chhung thawh a ni.

Meghalaya-ah hian dan loa lungalhthei khur siam an la awm reng a, khap a nih hnuah leh hetian hmuna hnathawh hlauhawm dante vawi tam tak tihchhuah ani hnuah kalpui chhunzawm a la ni reng a ni. Chief Minister Sangma chuan judicial commission chuan he chhiatna thlen dan hi a chhui chiang dawn a, a mawhphurtu man chhuah ngei an ni ang, a ti.