Meghalaya : NLM team-in livestock development scheme endik

Dr Mihir Mondal (NLM, DAHD) leh Dr Mahesh Katara-te awmna National Level Monitoring Team chuan Ningani khan Meghalaya khawpui Shillong thlengin, state-a Animal Husbandry & Veterinary department-in centrally sponsored scheme (CSS) hrang hrang a kalpui mek hmasawn dan an endik.

Endikna an neih hmang hian monitoring mechanism tihchak tum a ni a, langtlang leh rintlak zawka kalpui tum a ni bawk. Meghalaya-a ran vulh programme tihchangtlunna turin thurawn ṭha tak tak an pe dawn tih Animal Husbandry & Veterinary Department director Dr A Chyne, chuan a sawi. Team hian CSS bakah Rashtriya Gokul Mission, National Livestock Mission leh, Livestock Health & Disease Control Programme hmasawn dan an endik bawk ang.

NLM team hian East Khasi Hills, West Khasi Hilss leh West Garo Hills dictrict-a site hrang hrang an tlawh dawn a, February 12-16 chhung hian hamṭhatna dawngtute kawmin scheme in nghawng a neih dante an zirchiang dawn bawk a ni.