PM-in Assam-ah hmarchhaka ELF hmasa ber a hawng; Assam-in ELF tam zawk siam turin ngen

Prime minister Narendro Modi chuan Inrinni khan Assam tlawhin, hmarchhak bial tana Emergency Landing Facility (ELF) hmasa ber, Dibrugarh-a Moran Bypass-a siam a hawng. He hmun hi Rs vbc 100 senag siam niin, km 4.2 a thui a ni.

Moran Bypass-a ELF siam hi civil leh sipai tana hman theih tura duan a ni. Official-te chuan IAF fighter jets leh transport aircraft-te tan pawhaw ṭangkai tak tur a nih bakah, defence lam thuam chakna tan a pawimawh dawn hle tih an sai.

Assam chief minister Himanta Biswa Sarma chuan Moran-a ELF a hawn a nih hnuah sorkar laipui hnenah an state-a emergency landing facility tam zawk siam turin lehkha a thawn tih a sawi. Hei bakah state sorkar chuan Civil Aviation Ministry an thawhpuinain Majuli, Diphu, Umrangso leh Manas-a airport pali sakna tur an zirchiang dawn tih a sawi bawk.

Guwahati-a press conference neiha thu a sawiah, CM Sarma chuan project eng emaw zat ruahman a nih thu sawiin, chung zingah chuan Brahmaputra lui hnuaia twin tube road-cum-rail tunnel leh Chicken Neck corridor lei hnuaia underground highway siamte a tel.

Sorkar laipui hnenah ELF tam zawk siam chu tuilianin chhiatna a thlen palha hman atan a pawimawh tih CM chuan a sawi. Transport carrier C130 chu ELF-ah hian chhawmdawlna hmanrua nen a ṭum thei a ni. CM chuan facility pali emaw panga emaw dah belh leh theih a beisei thu a tarlang.