Lamphelpat-ah world-class polo ground siam a ni dawn : Manipur CM

Manipur chief minister Yumnam Khemchand Singh chuan state sorkarin Imphal West-a Lamphelpat-ah world-class polo ground a siam dawn tih a puang. He thu hi Manipur Horse Riding and Polo Association (MHRPA)-in Mapal Kangjeibung-a Dr Ksh Chourjit Singh Inter-District Polo Tournament vawi hnihna a buatsaih tawp kharniah a sawi.

Chief Minister chuan an state chu mi tam takin modern polo lo pian chhuahna hmun anga an ngaih thu sawiin, tuna Mapal Kangjeibung Polo Ground awmsa chu international match buatsaihna atan a tling tawk lo, a ti. Hei vang hian world-class facility siamna atan sorkar chuan Lamphelpat-ah ram acre 32-a zau a ruahman tih a tarlang.

Khemchand chuan polo ground tihhmasawnna tura ruahmanna siam turin MHRPA official leh aiawhte nen polo ground siamna tur hi enfiah turin a tlawh dawn tih a sawi bawk.