Meghalaya-ah mobile inter-net leh SMS service titawp

Ningani khan Me­ghalaya khawpui, Shillong-ah pawh CAB duh lohna lantir niin, Police Bazar-ah car pakhat hal a ni a, dawrte pawh beih tel an ni bawk. He thil thleng vang hian Police Bazar-ah dawrte chu khar zui nghal an ni. Nawrh huaihawtten dawr an beihte hi non-tribal te ta nia sawi a ni. 

Buaina chhuak vang hian Meghalaya-ah Ningani tlai dar 5 aṭang khan ni hnih chhung atan mobile inter­net leh SMS service tihtawp a ni a, Shillong khawpui chhung hmun ṭhenkhatah curfew puan a ni bawk. Police-te chuan midangte tichiai zawnga thu dik tawk lo thehdarh lo turin mipuite an ngen. 

Meghalaya chief minister Conrad Sangma leh a cabinet minister ṭhen­khat chuan Delhi an pan a, home minister Amit Shah hmuin Meghalaya state pum chu CAB  huam tir lo tura sawipui an tum. Meghalaya-a Inner Line Permit (ILP) sys­tem hman phut chung­changah, sorkar chuan state chhunga pawl hrang hrangte a sawipui mek tih Sangma chuan a sawi bawk.