Nagaland : Zirtirtuten an hlawh non-plan budget-ah telh phut

Nagaland Government Teachers’ Association, SSA & RMSA 2010 leh 2013 batch member 2,293 awmna chuan Thawhlehni khan Directorate of School Education hnenah an hlawh tur chu state non-plan budget a telh tura phutin, hemi tihlawhtling tur hian ni sarih, February 24 thleng hun an pe.

NGTA chuan kum 2022, April thla khan cabinet pawmpuinain an service chu State Education Cadre ah chhiar tel a ni tih an sawi a, mahse, kum thum chuang hnuah an hlawh chu regular state cadre te ang loin CSS funding aṭangin pek chhuah zel an la ni tih an sawi bawk. Kum 2025-ah khan sorkar hnenah an hlawh pekna tur chu state non-plan budget-ah dah tel turin an lo ngen tawh a, sorkar chuan ṭawngkamin remti mah se tun thlengin kalpui a la ni lo tih an tarlang.

Principal Director of School Education hnenah lehkha an theh luhah, hriattirna a dawn aṭanga ni sarih chhung ngeia department chu hma la tura nawr turin a ti a ni. A hun tiam chhunga an buaina chu chinfel a nih loh chuan anmahniin a chinfel theih dan an zawng dawn tih an sawi bawk.