Manipur leh Meghalaya-in ar lakluh khap

Ram chhung state ṭhenkhata arva pul hri, bird flu leng mek avangin Meghalaya leh Manipur sorkar chuan state pawn aṭanga ar leh arsa aṭanga siamte lakluh an khap. 

Manipur-a veterinary and animal husbandry service commissioner chuan Thawhṭanni khan ar leh a kaihhnawih lakluh khapna thupek hi a tichhuak a, Meghalaya-ah Principal Secretary Animal Husbandry and Veterinary, G.H.P.Raju chuan thupek hi a tichhuak bawk. 

Thawhlehni khan Meghalaya chief minister Conrad Sangma chuan bird flu leng chungchanga state sorkar inbuatsaih dan leh hma lak dan turte sawiho turin meeting a ko a ni.