Assam tourism brand ambassador thar Priyanka Chopra

Assam sorkar chuan Bollywood star, Priyanka Chopra chu Assam Tourism brand ambassador atana ruat a nih thu Thawhṭanni khan a puang.

Assam tourism minister Himanta Biswa Sarma chuan, "State tourism brand ambassador atan hian Sachin Tendulkar dawr a ni a, ani bakah hian ram chhunga milar eng emaw zat biak an ni. A tawpah Priyanka Chopra chu kum hnih chhung atan tourism brand ambassador atan inremna ziahpui a ni ta a ni" a ti. Sarma chuan kum hnih chhung atana inremna ziah a ni chu lawmawm a tih thu sawiin, state chuan nasa taka tourism lamah hma a sawn phah ngei a rin thu a sawi. Ram chhung mai ni lo khawvel huapa Assam pholan a nih theih nan, tourism lamah state sorkar chuan nasa takin hma a la tih a sawi.

A vawi khat nan Priyanka Chopra hian December 24 khian Assam khawpui Guwahati a tlawh dawn a, Inter-national Tour Operators Conclave a hmanpui dawn a ni.