Assam-ah khualzin phur rel service-tir dawn

Union minister of state for railways Rajen Gogain chuan Assam tourism tih hmasawnna turin, khualzinte chuanna tur bik rel service-tir a nih tur thu Pathianni khan a puang. Khualzin phur tur bik rel te hi nakkum January thla aṭanga service-tir tum a ni a, a hmasa ber atan Guwahati (Assam) - Dimapur (Nagaland)-ah service-tir a ni ang. Rel service hi pathum dah tura ruahman phawt a ni a, Guwahati (Assam) - Dimapur (Nagaland) bakah hian, Guwahati (Assam) - Pasighat (Arunachal Pradesh) leh Haflong (Assam) - Agartala (Tripura) -ah te service-tir a ni ang. Union minister chuan hei hi Assam mai bakah, hmarchhak state-te'n tourism lama hma an sawn zel theih nana ruahman a nih thu a sawi.