Tripura : Minister-in mipuite thil leikhawl pumpelh turin a ngen

Tripura food and civil supplies minister Comingone Ymbon Sushanta Chowdhury chuan Thawhlehni khan state-in petrol, diesel leh LPG a hnianghnar tih sawiin, Middle East-a buaina chhuak mek vangin mipuite chu chiai lo turin leh, ṭul loa thil lei khawl lo turin a chah.

Merchant association hruaitute leh petrol pump neitute nen meeting an neih zawha thuthar lakhawmtute a kawmnaah, Chowdhury chuan mi ṭhenkhatin petrol tlakchhamna a thlen an hlauhthawn thu sawiin, mipuite chu thlaphang lo turin a ti. Mi ṭhenkhatin petrol lam product tam tham tak takin an lei khawl nia sawi thawm pawh a hriat thu a tarlang a, state mamawh phuhru turin stock a tam tawk a ni, a ti. Indian Oil Corporation official-te nen pawh inbiakna an nei tawh tih a tarlang.

Minister chuan petrol, diesel leh LPG chu stock tam tak a awm tih sawiin, Indian Oil official-te pawhin thla thar lo awm turah an pek belh dawn tih an tiam thu a sawi. Chowdhury chuan rel emaw highway emawa buaina a thlen chauhin harsatna an tawk ṭhin a, sik leh sa dinhmun a pangngai bakah supply line pawh tluang taka kalpui a nih thu a sawi bawk. Mipuite chu ṭul loa thil leikhawl lo turin a chah a, hlauhthawnna avanga thil lei khawl vak chuan rilru hahna leh suppy-ah buaina a thlen thei zawk tih a sawi.