Manipur : CM-in Eta Network hmalakna thlawp a tiam

Manipur chief minister Yumnam Khemchand Singh chuan Thawhlehni khan Eta Northeast Women's Network aiawhte state secretariat-ah hmuin, state-a buaina chhuak avanga chenna in leh lo chhuahsan, internally displaced persons (IDPs) te puihbawmna tura an hmalakna thlawp a tiam.

Eta Network hi N. Kunjarani Devi kaihhruai niin hmarchhak biala hmeichhia, a bik takin zirna, hnathawh leh chhungkaw thil vanga state pawna awmte inzawmkhawmna platform a ni a, khawtlang hmasawnna tur leh puihbawmna turin hmalakna hrang hrang an kalpui a ni. Meeting neih zawhah Chief Minister chuan hmeichhe kaihhruai pawlte chu IDP-te relief camp aṭanga sawn chhuah kawngah an pawimawh hle tih a sawi.

Inbiakna an neiha an thil sawi hote chu chu uluk taka zirchian a nih tur thu sawiin, rah ṭha a chhuah theihna turin sorkarin state-a hmeichhiate thuam chak leh, mitin huap hmasawnna awm theihna tura sorkar inpekna a sawilang bawk. Meeting hi Eta-in ni hnih liam taa Bishnupur district-a Wathalambi khuaa IDP-te chhawmdawlna huang an zauh hnuah neih a ni.

Hmalakna an neih mek zingah Chirom Sanahanbi hnenah in sakna tura ṭanpuina atan Rs 50,000 pek a ni. He ṭanpuina hi Eta chairperson Sophia Rajkumari chuan Jibanlata Memorial Trust hnuaiah a nu hriatrengna atan a hlan a ni. Wathalambi-a IDP chhungkuate hnenah puan ṭhuina khawl eh khawl la an pe bawk.