Assam : AAECA-in mi retheite a thlawna electric supply phut

All Assam Electricity Consumers Association (AAECA) chuan March 7 khan, kum 2026-27 atana electric tariff chuan consumer-te tan harsatna a thlen tih sawiin, state-a chhungkaw harsa zawk hnenah a thlawna electric supply turin an phut.

Assam Electricity Regulatory Commission-in tariff an puan hnua thuchhuah an siamah, AAECA chuan Assam Power Distribution Company Limited-in rawtna a theh luh chu mipui tam takin an dodal chungin rate-te hi thlak danglam a ni lo tih an sawi. Convenor Ajay Acharya leh Hillol Bhattacharya-te chuan mipuiin lungawi lohna an lantir hnuah regulatory body chuan tariff hi tisang lo mah se, rate duansa chuan consumer-te harsatna a chhawk zangkhai chuang lo tih an sawi.

State sorkarin kum kalta khan electricity tariff aṭangin Rs vbc 400 vel hlawkna an tel a, consumer-te chu an chawi tur aia tam chawitir an ni, an ti. Hei vang hian an tariff siam chu kumin atana tihniam turin an phut. Bihar leh Delhi-ah consumer-te a thlawnin electric unit eng emaw zat pek an ni tih sawiin, Assam-ah chuan mipuiin ngenna siam mah se, state-a rorellai BJP sorkar chuan hetiang scheme siam tumna a nei lo tih an sawi bawk. State-a chhungkaw rethei zawkte hnenah thla tin electric unit 125 chu a thlawna pe turin an phut tih an thuchhuahah an tarlang.