Arunachal : CM-in Longding-Nokjan kawng siamṭhat a tiam

Arunachal Pradesh chief minister Pema Khandu chuan March 11 khan state assembly-ah ṭhenawm state, Nagaland-a Longding district leh Nokjan intlawhpawhna NEC kawng pawimawh tak chu Central Road and Infrastructure Fund (CRIF) hnuaiah siamṭhat a ni dawn tih a sawi.

Longding-Pumao bial MLA Thangwang Wangham zawhna chhangin, Khandu chuan highway tel loin kawng km 22-a thui chu Ministry of Road Transport and Highways aṭanga CRIF fund hmanga siamṭhat tur zingah a tel thu leh, Rs vbc 60 ruahman a nih thu a sawi. Chief Minister chuan Assembly-ah hian kawng thui zawng chu km 28.82 vel a nih thu sawiin, kum 2011 khan North Eastern Council fund hmangin km 9.81 chu siam a nih tawh thu a tarlang bawk.

Khandu chuan tun dinhmunah km 7 vel chu National Highway 215 hnuaiah a awm tawh a, km 12 vel chu state Rural Works Department hnuaiah awmin, a bak chu state Public Works Department-in a enkawl tih a sawi. Chief Minister chuan Longding-a PWD division-in kawng an endik tawh thu leh, kawng siamṭhatna tura ruahmanna chu Planning and Investment Department Director (Project Coordinator) hmalak turin an theh lut tawh tih a sawi a ni.