Sikkim : CM-in 'Connect to CM' programme tlangzarh

Sikkim chief minister Prem Singh Tamang chuan Samman Bhawan, Gangtok-ah 'Connect to CM' platform hnuaia Mukhyamantri Jan Sambadh Programme hmasa ber a kaihruai a, sorkarin mipuite hnena welfare delivery pek a tumnaa hmalakna hmasa ber a ni tih a sawi.

Programme hian state puma Block Administrative Center (BAC) 34 chu video conferencing hmangin a thlunzawm dawn a ni. Chief Minister, Block Development Officer, leh district hrang hrang aṭanga a chhawr ṭangkaitute inkarah inbiakpawhna a siamsak a, DESME BPL category leh khawsak hnuaihnung zawkte chu state welfare hmalaknain puibawmna an dawng a ni.

Chief Minister's Medical Assistance Scheme, Chief Minister's Discretionary Grant, Chief Minister's Self-Employment Assistance Scheme, Sikkim Garib Awas Yojana, ram nei lote hnena ram pek, zirlai rethei zawkte tana duan Chief Minister Education Assistance Scheme hnuaiah puihbawmna hi siamin sorkar hna thawh theihna hun remchang siamsak an ni ang. CM chuan hamṭhatna dawngtute chu dik tak leh langtlang taka thlan an nih thu a sawi.

CM chuan kar khat chhungin official order leh a chhawr ṭangkaitu BAC hrang hrangah direct-a pek an nih tur thu a sawi. Programme an buatsaih zingah Mukhyamantri Jan Sambadh chu inrelbawlnaa harsatna thleng ṭhinte, vantlang tana sum senso tihtlem leh a bulṭhut aṭanga sorkar service rintlak leh awlsam zawka hman theihna tur a nih thu a sawi. Thla hnih danah neih ṭhin a nih tur thu a sawi bawk.