Tripura : Budget session nei ṭan

Tripura Legislative Assembly budget session chu nimin Zirtawpni khan neih ṭan a ni a, March 25 thleng neih a ni ang. Session hi governor Reddy Nallu chuan thusawi hmangin a khuh hawng a, speaker hlui Biswabandhu Sen sunna hun hman niin, inkhawm tihtawp zui a ni. Kum 2026-27 state budget chu finance minister, Pranajit Singha Roy-a'n March 16-ah a pharh ang.

Session-ah hian bill pawimawh pathum- Tripura University of Health Science Bill, Technical University Bill leh Women Bill sawi ho a ni ang. Kumin budget session-ah hian sorkar hnathawkten hunrei tak chhung Dearness Allowance (DA) an dawn tawh loh pekchhuah theih dan tur chungchang an sawilan rin a ni.

Budget session-ah hian state inrelbawlna leh financial policy chu ngaih pawimawh beisei a ni a, a bik takin sorkar hnathawkten hunrei tak chhung an thil phut tihhlawhtlin la ni lote ngaihtuah an beisei thu an tarlang. Sorkar chuan state-a higher education thuam chakna tur bill pawimawh pathum sawi ho tur a put luh rin a ni a, hengte hi Health Science University, Technical University leh Women University dinna turte an ni.

Ruahman lawk danin, March 16-ah budget pharh a ni ang a, March 19 aṭangin state budget sawi ho a ni ang.