Forum-in nawrh huaihawtnaa thite thih dan chhui chian phut

Forum Against Citizenship Act Amendment Bill (FACAAB) chuan Assam-a Citizenship (Amendment) Act, 2019 duh lohna lantira nawrh huaihawtnaa police-te silai hmehpuaha thi nia sawite thih dan chu chhui chian an phut. 

FACAAB chairman Hiren Gohian chuan nawrh  huaihawtte do letna tura police-te chet dan chu a dem thu sawiin, eng vangin nge police-ten heng ṭhalaite lakah silai an hmehpuah chhante chhui chian an phut tih a sawi. Forum chuan CAA khinna hi Supreme Court-ah thehluh an tum tih a sawi bawk.