Manipur : Kangpokpi district-ah zirlaite silaiin kap

Manipur-a Kangpokpi district-a Blossom Hebron English School zirlai, board exam hmachhawn mekte chu an haw kawngah silaia kah an ni. He thil hi March 24 chawhma dar 11:40 vela thleng niin, pawl 10 zirlaite hi Saikul aṭanga Simol khua an panna Tingpibung-Leplen kawng an kal laiin silai hi hmeh puah a ni.

Zirlaite hian Thawhṭanni khan Saikul hill khuaah exam an zo tawh a, an warden-te venna hnuaiah an khaw lam hi an pan a ni. An hawn kawngah hian helpawl nia rinhlehten Sinakeithel khua aṭang leh, Leplen-Tingpibung kawng dungah silai an lo hmetpuak a, hliam erawh an awm lo.

Zirlaite chuan silaia kah an tawhna bulhnaiah security dah an nih thu an sawi. He thil thleng hian helai huamchhunga chengte leh nu leh pa a ti ralṭi hle a, venhimna kalpui dan endik a ṭul thu leh, security-te chu mipui a bik takin zirlaite himna ngaipawimawh turin an ngen.