Manipur : CM-in mipuite inpumkhatna vawng nung turin a ngen

Manipur chief minister Yumnam Khemchand Singh chuan, state-a Meitei-te chu Manipuri-Meitei, Naga-te chu Manipuri-Naga, Kuki-te chu Manipuri-Kuki leh Meitei Pangal-te chu Manipuri Meitei Pangal an nih thu sawiin, state-a hnam hrang hrangte chu inpumkhatna vawng nung turin a ngen. He thu hi March 24-a Imphal-a Bir Tikendrajit Park (Pheidabung) a Anglo Manipur Way-1891-a thite hriatrengna hun hmanah a sawi.

He hun hi Justice Committee on Anglo Manipuri War-1891 Martyr & Freedom Fighters of Kangleipak (Manipur) te buatsaih a ni a, state chhung leh pawn aṭangin hnam hrang hrang aiawhte leh zirlaite an tel. Martar-te leh zalenna sualtute hriatrengna leh zahna lantirna hun hman a ni.

Chief Minister chuan, tunhma aṭang tawhin state-a hnam chi hrang 36 cheng ho chuan state dikna chanvo an humhim tih sawiin, state ralmuang leh hmasawn zawk din turin inpumkhatna hlutna chu kan vawn tlat a ngai a ni, a ti. Ṭanrual chu chakna a nih thu sawiin mitinte chu inlungrual taka awm turin a chah bawk.