Prafulla Mahanta-a'n party thar din thlawp lo

Assam chief minister hlui Prafulla Mahanta chuan Citizenship (Amendment) Act (CAA) avanga an state-in buaina leh harsatna an tawh mek chu political party thar dinin a chingfel ngawt dawn lo tih a sawi. 

Thawhṭannia Guwahati-a chanchinthar lakhawmtute a kawmnaah he thu hi a sawichhuak a ni.  India ram chu democracy ram a nih avangin tu pawhin political party chu an din thei a ni a ti a, hemi rual hian Assam dinhmun tawn mek thlirin political party thar din ringawt chu buaina chinfelna a ni lo a, a hun pawh a ni lo nia a ngaih thu  a sawi. 

Hei hi All Assam Students' Union (AASU) president Dipankar Nath-an political party thar a ding mai thei tia Pathiannia a sawi a chhanna a ni. Dinpankar Nath hian Pathiannia Assam Engineering Institute (AEI) playground, Guwahati-a Assam artiste-ten CAA duh lohna lantira hun an hmanaah a sawichhuak a ni. Nath chuan zirlai pawl chu political party nena inzawmna nei lo a ni chhunzawm zel dawn a, mahse a dinhmun azirin politics pawh an buaipui hreh dawn lo tih a sawi a ni.