Manipur: CM-in Jiribam district tlawh dawn

Manipur chief minister Yumnam Khemchand Singh chuan an state-a remna leh muanna siam tura hmalakna kal zelah, a vawi hnihna atan Jiribam district a tlawh leh dawn. Chief Minister hian Meitei leh Kuki khawtlang hruaitute chu remna leh muanna siam turin inbiakna a neihpui dawn a ni. CM hian February 11 khan Jiribam hi a lo tlawh tawh bawk a ni.

Chief Minister hian Leingangpokpi Police Outpost, Jiribam District Hospital leh Lamlenkhul a tlawh dawn a, he hunah hian official-te leh tualchhung mipuite nen inbiakna an nei bawk ang. Jiribam district hi April 1-a union home minister Amit Shah nen New Delhi-a meeting an neih hnuah a lo tlawh tawh a ni. Ningania Imphal a let leh hnuah, CM chuan Raj Bhavan-ah governor Ajay Kumar Bhalla hmuin, Union Home Minister nen inbiakna an neih chungchang hrilhin, state-a venhimna kalpui dan an sawi dun bawk.

Jiribam a tlawh hmasak ṭum hian Khemchand hi MLA pasarih- Tongbram Robindro, Kongkham Robindro, L. Rameshwor Meetei, Dr S. Ranjan, H. Dingo, S. Premchandra leh Paonam Brojen-ten an ṭawiawm. Chief Minister hian April 2 khan high-level review meeting chu Secretariat-ah a lo kaihruai tawh bawk a, meeting-ah hian National Highway-a venhimna kalpuidan sawi ho a ni.