Nagaland : Finance department-in Rs vbc 22 senna project thawk

Nagaland Finance Department chuan financial year 2025-26 chhungin project, Rs vbc 22 senna tur a thawk dawn. Heng project-te hi kum 2027, March thlaa peihfel hman tura tih a ni. Department-in Annual Administrative Report 2025-26 a tihchhuahah, State Taxes leh a kaihhnawih department hnuaia hmun hrang hrangah infrastructure project thawh a ni dawn tih tarlan a ni.

Report-ah chuan New State Taxes Commissionerate sak hna hi kum 2023-24 aṭanga ṭan niin, project senso hi Rs nuai 1,394 a ni a, kum kalta December thleng khan 40% zawh a ni tawh tih a tarlang. Phek-a Rs nuai 263.78 senna, State Taxes Office (phase 1), Deputy Commissioner office complex sak hna chu kum 2024-25 khan ṭan niin, kum kalta December thlengin 20% zawh a ni tawh bawk. Department chuan Kohima-a flat-type staff quarters, Rs nuai 268.32 senna pawh 70% zawh a ni tawh tih a tarlang bawk.

Noklak-a State Taxes Office, kum 2024-25 a Rs nuai 298.79 senga sak chu kum kalta December thla thleng khan 65% zawhfel a ni tawh bawk. Project zawng zawng hi nakkum March chhunga zawhfel beisei a ni tih report chuan a tarlang.