Meghalaya : Shillong-ah link road thar hawng

Meghalaya khawpui, Shillong-a traffic tawt tihziaawmna tura Anjali petrol pump bula link road siam thar chu cabinet minister leh bialtu MLA ni bawk, Sanbor Shullai chuan Inrinni khan a hawng.

Link road hi Cantonment area-a N.E.F.A. Secretariat hnung lamah siam a ni a, Shillong chhuahsan tur emaw, Upper Shillong leh Garikhana lam emaw pan turte tan a hman theih a, main junction-a mipui tamna hmun an pumpelh thei dawn a ni.

Kawng thar hi km 0.185 niin, Rs vbc 3.36 senga siam a ni. Deputy chief minister Prestone Tynsong chuan PWD (Roads & Buildings) department in kawng siam hna a thawh chu a vilpui a ni. Hawnna inkhawmah hian senior official, PWD Secretary leh Chief Engineer bakah, Shillong Central Division-a engineer-te an tel.

Shullai chuan kawng thar hian traffic tawt chu 10-20% velin a tiziaawm thei dawn tih a sawi. He project hlawhtlinna tura hmalatu zawng zawngte chungah lawmthu a sawi bawk. Kawng thar siam chu Arunachal Pradesh sorkar ram a ni a, kawng siam an phalsak avangin lawmthu a sawi bawk. Kawng hawn thar a ni ta chu lawmawm a tih thu sawiin, traffic tawt avanga mipuiin harsatna an tawh ṭhin a sukiang tawh dawn a ni, a ti.