Arunachal : Health Minister-in Lower Dibang valley-a health facility endik

Arunachal Pradesh health and family welfare minister, Biyuram Wahge chuan Lower Dibang valley district-a health facility a endik. Minister hian mipuite harsatna enfiah turin lawngin Banggo khua a pan a ni.

Banggo-a health sub-centre hi Mer leh Banggo khaw mipuite bakah, Assam ramri hmun hrang hranga chengte chuan an pan ṭhin a ni. Helai hmuna Primary Health Centre (PHC) leh, Community Health Centre (CHC) chu inkalpawhna ṭhat loh vang leh lawng hmanga pan a ngaih avangin a pantu tan pawh a buaithlak hle a ni. An facility neih chu tualchhung miten an din niin nikum khan hawn a ni. Minister chuan infrastructure dinhmun leh healthcare service an kalpui dan a endik bawk.

Official-te chuan healthcare worker-te harsatna tawh chungchangah, infrastructure leh awmna tur hmun nghet an neih loh thu minister hi an hrilh. Doctor leh staff-ten chenna tur quarters an neih loh avangin healthcare service pek kawngah nasa takin harsatna an tawk tih an sawi bawk. Wahge chuan a rang lama sub-centre-a infrastructure rintlak din a ṭul thu a sawi. Bialtu MLA leh District Medical Officer (DMO) te nen inbiakna neiin, an harsatna tawhte chingfel turin sorkarin hma a la dawn tih a hrilh a ni.