Meghalaya : CM-in FCRA Bill chungchang ngaihtuah ṭhat phut

Meghalaya chief minister Conrad K Sangma chuan Foreign Contribution Regulation Amendment Bill chu kalpui a nih hmain, sorkar laipui chu stakeholder-te nen inbiakna nei turin a phut. New Delhi-a union minister for minority affairs Kiren Rijiju nen meeting an neih zawhah thu a sawiah, Sangma chuan minister chu stakeholder-te nen hemi chungchang chipchiar zawka sawi hona nei turin a ngen tih a tarlang.

Sangma chuan bill-a tarlan ṭhenkhat zingah Section 16-a thuneitute thutlukna hmanga thil neih inchhuhsak theihna chu thil hlauhthawnawm tak a nih thu a sawi. Institute hrang hrang, a bikin Christian Institution-a property rights inchhuhsak theihna a nih thu a sawi. Chief Minister chuan Rijiju-a'n hemi chungchang hi uluk zawka ngaihtuah ṭhat a lo tiam avangin lawmthu a hrilh nghal bawk.

Chief Minister chuan chipchiar taka sawi hona a awm ngei a beisei thu sawiin, institution te zawka property rights humhalh a nih theihna atan a ṭul anga siamthat a ni ang, a ti. Sangma hi meeting-ah hian deputy chief minister Prestone Tynsong chuan a ṭawiawm a ni.