Tripura : Sorkarin investment deal Rs vbc 2,500 hmu

Tripura sorkar chuan April 7-a Hyderabad-a investors' road show an buatsaihah an state-a investment tihna tur Rs vbc 2,500 man hu inremna a siam. 'Destination Tripura - Business Meet 2026' hi state-a department of industries and commerce-in Vivanta by Taj, Begumpet-ah 'Destination Tripura: Business Conclave 2026' tih buatsaih tur denchhena a kalpui a ni.

He huna thu a sawiah Industries and Commerce secretary, Kiran Gitte chuan sorkarin policy siamṭhat, kalphung awlsam leh hun bituk chhunga industry tihhmasawnna chak zawka kalpui a tum thu a sawi. Tripura hian traditional sector-ah theihna a nei tih sawiin, mi thiam hnathawk tur, inthlunzawmna leh zirna mechanism hmanga thlawp a nih thu a sawi bawk. Investor-te chu state nena hun rei tak thawh hona nei turin a sawm zui bawk.

Industries and Commerce director Deepak Kumar chuan sector hrang hrang zingah information technology leh digital service, education leh skill development, healthcare leh pharmaceutical, tourism leh hospitality, agriculture leh ei leh in siam, rubber, mau leh agarwood, renewable energy, real estate, textile leh handicraft-a theihna awmte chipchiar zawkin a sawi lang. Industry chakna leh infrastructure hmasawnna pholanna documentary pawh he hunah hian tihchhuah a ni.

Official press release chuan, road show-ah hian sector hrang hrangah inremna 50 siam a nih thu leh, invest zawng zawng chu Rs vbc 2,500 a ni tih an tarlang. Investors' road show hi Bengaluru-ah nimin khan neih chhunzawm leh a ni bawk.