Meghalaya : MDoNER Secretary-in infrastructure leh tourism project endik

Ministry of Development of North Eastern Region (MDoNER) secretary, Sanjay Jaju chuan ni hnih chama Meghalaya tlawhin infrastructure leh tourism project-te a endik a, sorkar laipui leh state thuneitute inkarah thawh hona a ṭhat leh ṭhat loh a endik bawk.

Jaju chuan Chief Secretary bakah senior officer-te nen MDoNER fund hnuaia project pawimawh tak tak thawh mekte an endik bawk a, project thawh mekte chak zawka zawhfel a pawimawh thu an sawi. MDoNER Joint Secretary leh state aiawhte nen New Shillong Township-a Prime Minister’s Development Initiative for North East Region (PM-DevINE) hnuaia project thawh mekna hmun an tlawh bawk a ni. Hnathawh mek zingah kawngpui four-lane leh Umsawli-a Unity Mall sakna tur an endik bawk.

Official chuan project kalpui mekte a hun taka zawhfel a nih theihna atan leh, infrastructure leh economy ṭhanlenna tipung tura sorkar laipui leh state agency-te thawh hona tichak turin MDoNER Secretary hian state hi a tlawh tih an sawi.

North Eastern Council-in thuchhuah an siamah, Secretary hian financial year 2022-23 leh 2025-26 inkara project 16 pawm tawhte a endik tih an sawi. Heng project atan hian Rs vbc nuai 1,411.58 sanction a ni. Sorkar laipui chuan project-te ṭha taka thawh a ni em tih a thlithlai reng bawk a ni.