Manipur : CM-in Imphal International Airport-a terminal builing sak endik

Manipur chief minister Yumnam Khemchand Singh chuan April 13, Thawhṭanni khan Imphal International Airport-a terminal building thar sak mek chu endikin, official-te chuan project chu zawhfel thuai a nih theihna turin ngawrh taka hna thawh a ni tih an sawi. Chief Minister hi Chief Secretary, Additional Chief Secretary, Chief Minister Commissioner, Transport Director, PWD Chief Engineer bakah Airports Authority of India aiawhten an ṭawiawm.

He hunah hian Airports Authority of India official-te chuan project dinhmun chipchiar zawkin an hrilhfiah. Terminal thar tur hi Yashnand Engineer-te leh Contractors Pvt. Ltd chuan an thawk a ni. Official-te nen inbiakna an neihah, Chief Minister chuan project chu a hun taka zawhfel a nih theihna turin state sorkarin a thlawp tlat dawn tih a sawi. Airport-a air cargo terminal kalpuidan a endik bawk a ni.

Terminal thar hi sak zawh a nih hunah chuan airport-ah passenger tam zawk an leng dawn a, kum khat chhunga passenger an dawnsawn zat chu mtd 1.39 aṭangin mtdi 5-ah tihpun tum niin, parking infrastructure lirthei 100 lenna pawh 1,089-ah tihpun a ni ang. Facility-a hnathawh hun chhung, ni khata darkar 12-14 chu darkar 24 a ni tawh dawn bawk.