Meghalaya: CM-in transport leh hmasawnna project thlirlet

Meghalaya chief minister Conrad K Sangma chuan April 14 khan Transport leh Urban Affairs Department official-te nen review meeting neiin, state puma infrastructure pawimawh leh intlawhpawhna project hmasawn dan thlirletna hun an hmang. Meeting-ah hian state economy ṭhanlenna leh public service tihchangtlunna atana pawimawh, khawpui hmasawnna leh transport network tihchakna tura hmalaknate sawi ho a ni.

Project pawimawh zingah Shillong Business-cum-Tourism leh Cultural Centre sakna tura rawtna awm sawi ho a ni bawk a, he hmalakna hi economy, tourism leh hnam ziarang chawikanna tur a nih thu an sawi. Chief Minister chuan Tura-a Meghalaya Transport Corporation (MTC) sak ṭhat dinhmun pawh a thlir let bawk. He hmun hi sumdawnna leh mipui vantlang hman ṭangkai theih tura duan a ni. Hei bakah meeting-ah hian Transport department hnuaiah Nongpoh-a modern bus depot din turin ruahmanna siam a ni bawk.

Project hnuaia khawpui facility hmasawn dante thlirletin, khawpui ṭhanlenna atan infrastructure thawm ṭhat pawimawhnate an sawi ho bawk a ni.